- التكلّف في تقديم المهر ..! [ رأيك يهمنا ]

**خفآيآ نجد ..!** · 06-20-2011, 08:02 PM

بِسم الله الرحمن الرحيم

مما لآ شكّ فيه أن المظاهر دائماً لها دلالات نفسيّه وإيحاءات قد لآ تتوارد إلا على قلب المقصود !
فـ في تقديم المهور , خاصه في زماننا ومع غلاء المعيشه وتصعيب أمور الزواج على الشباب
قد يغفل الشاب أو يتعمّد الغفله عن أمر يرآه بسيط لكنّه على قلب المحروسه كبير
( بـ اختلاف الأذواق )

فاجأني أخي الغالي [ عريس الغفله ]
بـ طريقة تقديم مهر زوجته وأفكاره فيه وتفننه ,
على الرغم من غلاء المهر وبساطة أحواله كـ شاب في بداية حياته [ 24 عام ]
ما شاء الله اللهم بارك له وتمم أموره ..,

طبعاً الفكرة أعجبتني , وإنطبع في خاطري أول مانظرت اليه بـ أنّه قدّمه بـ طيب خاطر ونفسٍ راضيه ..
ومن الوجه الآخر إعترضن بعض قريباتي على المبالغة في الزينة
ويرين أن به تكلّف واسراف غير مطلوب و من غير داعٍ و أن تقديم المهر بـ الشكل التقليدي يحمل نفس المضمون
( ممكن تكون شفقه منهن على الشباب !)

< - أنا لو احد يجيب لي فلوس كذا برميها عليه < إيه هيّن

.
.
- البعض من الفتيات قد لا يرضيها إلا طيب النفس في تقديم المهر ولو
قدّم لها بـ (المغّاط داخل شنطه جلد) لحملتها عليه بخاطرها وبقيت بنفسها الى يوم تلقاه !
- والبعض منهن قد ترضى بـ القليل المهم أنها أخذت مهر والسلام !
- والبعض تقول في نفسها اللي يجي من الله حيّاه الله , بالرغم من أن أقل ماتتمناه هو أن يكون مظهر المهر جيّد !

.
.
ما رأيكم فيما سبق , وهل ترىون بأنه من حقّ الفتاة أن يقدّم لها المهر بطريقة طيّبه ؟
وما هو إنطباعك عمن قدّم المهر بالطريقة التقليديه , ومن قدّمه بطريقة رايقه ومتعوب عليها ؟
وهل لغلاء المهر والقدره عليه أو توسطه علاقه بالتقديم ؟
ووش تتوقعون رأي أولياء الأمور هل يرون بأنها طريقة جيّده أو فضاوه ولعب عيال ؟
[وخاصه كبار السن منهم < الله يعينك ياخوي ]

دعواتكم للغالي

**زنبـــقة الـــوادي** · 06-20-2011, 08:29 PM

ماشاء الله.. الله يوفقه ويسعده وعقبالك يارب..^^
بالنسبة للطريقة الي قدم فيها المهر حلوة وشيك.. وتدل على شخصية أخوك..
وكمان الي يقدم بالطريقة التقليدية.. حلو وماعليه غبار
هذا الشيء يرجع لطبيعة الشخص في ناس ماترضى إلا بالتميز وتحب تكون مميزة,.. وشكل أخوك من هذي الفئة..
وناس ماتفكر بالتفاصيل.. مع ان البنات تسعدهم الحركات البسيطة هذي وممكن تشعر ان حبها زايد في قلب زوجها..

وبالنهاية قدم المهر بطريقة جديدة ولا تقليدية. .كل ماشي سوقوا...
كل الطرق تؤدي إلى روما..

يعطيك العافية على الموضوع

اتوقع جبتي فكرة جديدة للمقبلين على الزواج

**مختلفه** · 06-20-2011, 09:37 PM

روعـــــه الله يوفقــــــــــهاويسعدها..
أنا براي المهور لوتكون معقوله تكفي أهم شي يكون الزوج صالح..

**أميرة الأشواق** · 06-20-2011, 10:21 PM

امم بصراحه تكلف زياده عن اللزوم
اتكلم عن بيئتي

الحين وشو تفرق مزينه ولالا
وبعدين الله يعين العروسه بتتعب وهي تفتح الربطه >>smls
انا عني مو مؤيييده
اما عن كبار السن نظرتهم امممم شوي
غريبه عليهم وماراح يتقبلونهاا

بس هذا مايدل ع ذوق العريس
اكييد بقولون افكار اهله

ماشاء الله موضوع رائع وفكره رائعه
وفي الاول والاخير الامر يعود لعروسين
يعني اذا كانت تتقبل واهلها يتقبلون هالشي
ويشوفونه عادي كان بها اماا اذا ........
فتركه اولا
مشكوره اختي خفايا نجد
والله يتمم على خير يارب

**أشتاق بسكات** · 06-20-2011, 11:07 PM

حلوة الحركة بس عند الأهل ومعارفنا لسى ما وصلت هذي التقنية عندهم المهم إنه يقدم المهر ويقول كلمتين حلوين وصلى الله وبارك << أهم شئ الفلوس ما نختلف على الطريقة

**دمعة طفلة** · 06-20-2011, 11:23 PM

فكره حلوووة

بس عندنا يسلمه لابوها يدا بيد وخلاصنا ولو بتقول البنت ابغه بطريقه كذا وكذا بيقول ابوها اهم شي الرجل مو اهم شي المهر
بالتوووفيق

واشكرك خيتووو عالموضوع الرائع

**انا الشمالي** · 06-20-2011, 11:32 PM

الله يتمم عليهم بخير..ومبروكين مقدما

والطريقه التقليديه انا اشوفها احسن وغلاء المهور اشوف انو كل ما كانوا يقربون لبعض يكون المهر اقل وكل مابعدت المسافه بالقربه والنسب يجب ان يكون المهر اغلي
ويعطيكي العافيه

**لحظة سكون** · 06-21-2011, 08:48 AM

وعليكم السلام والرحمه الله وبركاته ..
اولا الموضوع جدااا راائع وقيم
والصراحه المعنى من التقديم وليش الشكل
يعنى لو كثير ومرتب والزوج مو كويس اش لازمه ..
بلعكس لو قليل وهو كويس ورحيم وطيب تحفظينه ..
والمبالغه في التقديم محاسبين عليه يوم العرض العظيم
حرام اغلب الشباب مايتزوجون والسبب المهور وطريقه التقديم والهداياا
وياعالم بعد طلع كويسه او لا ولا بعد تخلي عيشته نكد وهم ..
الله يوفق الجميع
ويكتب اللى فيه الخير اللهم امين

**شيهانة تميم** · 06-21-2011, 12:57 PM

هل ترىون بأنه من حقّ الفتاة أن يقدّم لها المهر بطريقة طيّبه ؟

عادي...كل واحد وذوقه...بس ماشاء الله باين عليه اخوك ذويق ورومانسي...

الله يوفقه ويسعدة

وما هو إنطباعك عمن قدّم المهر بالطريقة التقليديه , ومن قدّمه بطريقة رايقه ومتعوب عليها ؟

مهري انا قدموة بالطريقه التقليديه..شنطه سوداء مثل أالي مع رجال الاعمال...بس والله ماهمني...

اهم شئ التوفيق....او لانه زواجي كان من زمان قبل تطلع هالافكار

..

وهل لغلاء المهر والقدره عليه أو توسطه علاقه بالتقديم ؟

يمكن كل ماكان كثير..كان العرض احلى واوجهه...

ووش تتوقعون رأي أولياء الأمور هل يرون بأنها طريقة جيّده أو فضاوه ولعب عيال؟

اعتقد فضاوة ولعب عيال.....هذا بالنسبه لهم...وبيني وبينك ...انا اشوفها...فضاوة...يعني بالله عليك...كم كلفته هالشغله.....وليه.....ولا لزوم البريستيج....وبعد هذي ايام الطفه بالعروس....بكرة لاتزوج...قال ليتي جايبه لك بكيس بلاستيك....
[< الله يعينك ياخوي]
اميييييييييييين...يارب ويوفقه ويسعده...

بس لاتنسين تعزميني على الزواج....

وعقبالك ياقمر....

بس والله كلام الشمالي غريب...ومافهمته...ولا دخل راسي....

**همسة الذكريات** · 06-21-2011, 08:23 PM

~|**
هنــآكـ انااس يعجبهم الشكــل ليس المضمون
وهناكـ العكــس
وهناكـ اناس يبوون الشكل والمضمون كلاهمــــــــآ
من وجهة نظري انها تفتح النفس شكلهاا لكــن تكوون من غير تكلف بزياادهـ
الله يوفقهم نجوودهـ ويتمم لهم على خييير
~|**

**رحـلـة أمــل** · 06-21-2011, 08:38 PM

الله يوفقهم
وباين على أخوك ماشاءالله راضي عن المهر والمراءه
طريقه حلوه كبداية حياه زوجيه سعيده , ومن طيب نفس

**معلمة كويتية** · 06-22-2011, 12:40 AM

اقتباس:

فاجأني أخي الغالي بـ طريقة تقديم مهر زوجته وأفكاره فيه وتفننه

تبارك الرحمن عنده ذووق
بداية الله يوفقه ويكتب له السعادة اللهم آآمين
بالتأكيد تقديم المهر بهذا الشكل قمة في الروعة والذوق
وأكيد لا توجد فتاة لا تحبذ هذه الطريقة في التقديم
كل شيء تطورلماذا تقف الأمور عند المهر ؟
لكن بالعودة إلى كبار السن الغالبية لن تعجبه هذه الطريقة
فيجد في الطريقة التقليدية قيمة أكثر وأهمية وتقدير
ربما بعض العوائل تغيرت نظرتها بعض الشيء فيعتمد على معرفتي بمن سأقدمه لهم هل سيقبلونه أو لا
وأقصد أهله وأهلها المقربون وليس العائلة بكاملها
يعطيك العافية أختي على الموضوع

**صمتي كبرياء** · 06-22-2011, 12:45 AM

الله يوفقه
ويوفقنا بالطيبين

**صاحبة مبدا** · 06-22-2011, 01:45 AM

اولا مبروك عقد اخوك والله يتمم لهم ع خير
ثانيا بصراحه الناس اجناس وكلن وذقه
انا عن نفسي عااااادي قدمت لي بالتقليديه او بغيرها وتصدقين ما فكرت بهالطريقه ابدا
لانه مو من طبايعنا ,,
ولوقدمت بطريقه مثل اخوك فهي تدل ع شخصية اخوك
ولو قدمت بالتقليديه برضوا ما نقول انه غير رومانسي او ...او,,,
اما عن اولياء الامور كذلك يختلفون منهم اللي يحب التنويع ويمكن يعجبه ومنهم الغير مؤيد واحس انه هم الاغلب

اسال الله التوفيق لكل زوجين ,,

**عمر القصيم** · 06-22-2011, 03:29 AM

ماشاء الله تبارك الرحمن .. الله يبارك لهم ويتمم ع خير ..

التكلف في تقديم المهر !..

مايوصل لدرجة التكّلف والاسراف .. لا بالعكس حركة جميلة
واعدادها لااتوقع يكلف الكثير < يقاله مجرّب
وسبق ان رايت اشكال اخرى ل تقديم المهر ،..

اعتقد ترجع الى طبع الرجل رؤيته ومزاجيته للفكرة واضافة التميز ..
بطبيعة الحال كل فكرة فيها تميز او تجديد يختلف الرأي حولها بين مؤيد او معارض..

اقتباس:

ما رأيكم فيما سبق , وهل ترىون بأنه من حقّ الفتاة أن يقدّم لها المهر بطريقة طيّبه ؟

اقتباس:

مسالة حق يعني تدخل حق من( حقوق) الفتاة ، لااعتقد..

لايكلف الله نفسا الا وسعها ،
وما هو إنطباعك عمن قدّم المهر بالطريقة التقليديه , ومن قدّمه بطريقة رايقه ومتعوب عليها ؟

كلهم ماقصروا ،،
وهل لغلاء المهر والقدره عليه أو توسطه علاقه بالتقديم ؟
بالتاكيد .. ان كان اهل البنت سمحين ، الرجل بيحترمهم ويعزهم اكثر ،، وبيقدر وقفتهم معه ..
ووش تتوقعون رأي أولياء الأمور هل يرون بأنها طريقة جيّده أو فضاوه ولعب عيال ؟

اتوقع الاختيار الثاني ،،

شكرا لك اختي على الطرح ،،

**خفآيآ نجد ..!** · 06-22-2011, 06:09 PM

اقتباس:

المشاركة الأصلية كتبت بواسطة زنبـــقة 000الوادي

ماشاء الله.. الله يوفقه ويسعده وعقبالك يارب..^^
بالنسبة للطريقة الي قدم فيها المهر حلوة وشيك.. وتدل على شخصية أخوك..
وكمان الي يقدم بالطريقة التقليدية.. حلو وماعليه غبار
هذا الشيء يرجع لطبيعة الشخص في ناس ماترضى إلا بالتميز وتحب تكون مميزة,.. وشكل أخوك من هذي الفئة..
وناس ماتفكر بالتفاصيل.. مع ان البنات تسعدهم الحركات البسيطة هذي وممكن تشعر ان حبها زايد في قلب زوجها..

وبالنهاية قدم المهر بطريقة جديدة ولا تقليدية. .كل ماشي سوقوا...
كل الطرق تؤدي إلى روما..

يعطيك العافية على الموضوع

اتوقع جبتي فكرة جديدة للمقبلين على الزواج

ويسعد قلبك يا الغاليه وعقبال كل اخوانا يااارب
فعلاً اختي زنبقة الوادي كل الطريقتين حلوين ومافيهم شيء
لكن الإهتمام بالتفاصيل الصغيره ذي
بتبيّن للبنت شيء كبير من شخصيّته
خاصه أنه ما يكلمها ولا بينهم تواصل ولا تعرف شيء عنه ..

يمكن وبنظري انا أن هذا الإهتمام البسيط يقرّب النفوس
ويهدّي الارتباك والخوف ..

ما ادري حقيقه بس انا اشوف أنه كذا ..

يعطيك العافيه ياقمر وتشرّفت بكِ وبدعواتك ..

**خفآيآ نجد ..!** · 06-22-2011, 06:15 PM

اقتباس:

المشاركة الأصلية كتبت بواسطة مختلفه

روعـــــه الله يوفقــــــــــهاويسعدها..
أنا براي المهور لوتكون معقوله تكفي أهم شي يكون الزوج صالح..

ويوفقكِ وكل من يعزّ عليكِ

صحيح اختي المهور المعقوله تترك لـ الشاب
متعة التفكير بلا قلق وتوتر ..
الله يزرق المسلمات بالازواج الصالحين ..

**oOo دره oOo** · 06-22-2011, 06:59 PM

طريقة حلووة إلي سواها اخوكي

بالنسبة لي ما عندي مانع لو بيدللني ويعطني المهر بهلشكلـ:rolleyesعريس الغفلة)

بس ما فيها أي شي لو جابها بأي طريقة تقليدية

أهم شي يكون الشخص المناسب لي وذو أخلاق
أما هلشكليات ما أهتم فيها لهاذي الدرجة

اما والدي مع أنه كبير بالسن (الله يحفظه) لكن ذواااق ويقدر المجهود الإضافي..

بسي المشكلة لو جات المظاهر على المهر وبس عادي
أصلاً نص الزواج مظاهر × مظاهر

يعطيك العافية اختي خفايا

**خفآيآ نجد ..!** · 06-22-2011, 07:09 PM

اقتباس:

المشاركة الأصلية كتبت بواسطة اميرة الاشواق

امم بصراحه تكلف زياده عن اللزوم
اتكلم عن بيئتي

الحين وشو تفرق مزينه ولالا
وبعدين الله يعين العروسه بتتعب وهي تفتح الربطه >>smls
انا عني مو مؤيييده
اما عن كبار السن نظرتهم امممم شوي
غريبه عليهم وماراح يتقبلونهاا

بس هذا مايدل ع ذوق العريس
اكييد بقولون افكار اهله

ماشاء الله موضوع رائع وفكره رائعه
وفي الاول والاخير الامر يعود لعروسين
يعني اذا كانت تتقبل واهلها يتقبلون هالشي
ويشوفونه عادي كان بها اماا اذا ........
فتركه اولا
مشكوره اختي خفايا نجد
والله يتمم على خير يارب

اهلين أختي
تكلّف

قسم انك حطمتينا
ترآ حتى إحنا أول ناس تسوي كذا بالعادة مغاط فلوس
وشنطة جلد

والا على حساب ولي امرها في البنك ..!
بس الدنيا تطورت وتغيرت والواحد لآزم يهتم بالتفاصيل مثل ما يطالب
بنت الناس تهتم بالتفاصيل ..!
البنت قبل تتزوج تنحاس بالاسواق و المراكز الطبيّه و اخصائيات البشرة
طيب هو ليه مايكون دقيق مثلها ويحاول يفاجأها ؟
.
.
تدرين لأنك غير مؤيده بنقل لكِ ردّة فعل خطيبة أخوي
تقول وبالحرف :
حسيت أن اخوك قريييب مني مرررره .اهـ

كيف وليه ؟
وهم أساساً ما يكلمون بعض ؟
بس سبحانه الله بعض الأفعال الصغيره اللي ممكن تغيب عننا
تكون كبيره على نفس البنت خااااصه ..
وكمان بتكون لأخوي ومرته ذكرى حلوه ..

عاد أفكار الأهل والا افكار الشاب هذا شيء تفهمه البنت والأهل
وتتناقله الألسن بين البنات (بنات الأسرتين)

اقتباس:

ويشوفونه عادي كان بها اماا اذا ........
فتركه اولا

حسستيني إنها جريمه

هم طلبوا قدر معيّن من المال , وصلهم كامل مكمّل بفضل الله
والزائد من طيب نفس الرجل والزيادة خير ..
الله يرزقك ويفرّح قلبك ..

**خفآيآ نجد ..!** · 06-22-2011, 07:14 PM

اقتباس:

المشاركة الأصلية كتبت بواسطة أشتاق بسكات

حلوة الحركة بس عند الأهل ومعارفنا لسى ما وصلت هذي التقنية عندهم المهم إنه يقدم المهر ويقول كلمتين حلوين وصلى الله وبارك << أهم شئ الفلوس ما نختلف على الطريقة

وإحنا بعد عندنا ماوصلت إلا هالمرّه
بس وليش ما نوصلها إحنا بـ أخوانا ومحارمنا ؟
نقترح ونشوف وش يصير

مادام الفلوس وصلت بالعدد المطلوب مالهم شغل بالشكل
هذا شيء بين الزوج وزوجته ..
والواحد لآزم يحرص على ترك انطباع طيّب عنه عند أنسباه ..
أو عند خطيبته خاصه وأنها غريبه عنه ولا تعرف عن شخصيّته غير مايُروى لها !..

يعطيك العافيه اختي على المشاركه
ودمتِ على خير ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري